Vanhæf ríkisstjórn!

Þurfum við frekari vitnana við??? Ekki er lengra en síðan í gærkvöldi að ríkisstjórnin sat langan fund með aðiljum atvinnulífsins og ræddi stöðuleikasamninginn, stýrivexti og allskonar aðgerðir til bjargar atvinnuvegunum og heimilunum í landinu og allir mjög bjartsýnir á útkomuna. Hvað gerist svo, stýrivöxtum er haldið óbreyttum. Seðlabankinn gerir ekkert með ákvörðun ríkisstjórnarinnar og allt gengur eftir forskrift og skipunum alþjóðagjaldeyrissjóðsins, vextir hafðir háir, fleiri og hærri skattar, velferðakerfið kerfisbundið lagt í rúst, svo þegar þjóðin er búinn að missa allt sitt besta fólk úr landi og eftir sitja gamalmenni, öryrkjar, atvinnuleysingjar og sjúklingar kemur alþjóðagjaldeyrissjóðurinn og hirðir okkur og auðlindir okkar upp í skuldir. Hvenær ætlar fólk að vakna upp við þá staðreynd að við erum búinn að missa sjálfstæði okkar?? Þó svo ríkisstjórnin færi frá og Sjálfstæðisflokkurinn og Framsókn kæmist að eins og þeir hafa verið að láta sig dreyma um þá myndi ástandið ekkert lagast. Það þarf að gera byltingu og sparka landstjóra alþjóðagjaldeyrissjóðsins og alþjóðagjaldeyrissjóðnum ásamt Icesave langt út í hafsauga. Annars er þetta búið spil. Hvað höfum við séð annað en aukna skatta, og niðurskurð á velferðarkerfinu háa vexti og kyrkingu atvinnulífsins, erlenda eignaraðild að bönkum og nú það nýjasta Magma Enirgee. Megi Guð hjálpa Íslensku þjóðinni hafi hann einhvern áhuga á henni lengur þar sem Guðleysi ríkir allstaðar og einn skeleggasti talsmaður Guðs á Íslandi Gunnar í Krossinum hefur gengið á bak skýrum vilja Guðs varðandi Hjónabandið þar sem segir að enginn megi skilja nema vegna hórdómssaka, þetta hefur Gunnar predikað sjálfur? Var hann giftur hórkonu? eða er hann orðinn hórkall ??? Er nema eðlilegt að Guð lyfti blessun sinni af landinu og snúi sér undan þegar þessi auma þjóð sem á í vanda?

Afleiðing Guðleysis

Við setningu alþingis taldi einn stjórnmálaflokkur sig eiga betur heima undir predikun siðmenntar en predikun í Dómkirkjunni, þessi stjórnmálaflokkur kallaði sig Borgaraflokkurinn og beint afsprengi búsáhalda biltingunar og þar með vera rödd fólksins í landinu sem hrópað  " vanhæf ríkisstjórn, vanhæf ríkisstjórn". Þessi flokkur sem taldi sig vera kominn til að leysa hina " vanhæfu ríkisstjórn af hólmi " byrjaði sitt starf við setningu Alþingis með gjörðum sínum að lýsa aðra stjórn vanhæfa, stjórn Guðs. Hvernig er staðan í dag hjá þessum flokki? Því er fljótsvarað eftir nokkra mánuði á þingi er hann liðinn undir lok og fólk sem kaus Borgaraflokkinn situr eftir með brostnar vonir og finnst það hafa kastað atkvæði sínu á glæ. Hver er staðan í dag: Við erum skuldug upp yfir haus og viljum meiri og meiri lán, við erum búinn að glata sjálfstæði okkar og dönsum eftir vilja landsstjóra Alþjóðagjaldeyrissjóðsins sem fær okkur til að gera allt þveröfugt við það sem okkar ágætu hagfræðingar segja og atvinnulífið fer fram á að við gerum. Í dag er sá dagur sem Biblían nefnir hvíldardagur, dagur sem á að halda hátíðlegan, sjöundi dagur vikunnar Laugardagur samkvæmt 4. boðorðinu. Guðleysi þjóðarinnar hefur brenglað þennan dag og fært hann yfir á Sunnudaginn, Sólardaginn sem var haldin hátíðlegur í heiðnum sið til að dýrka sólguðinn hinn forna. Í dag segja prestar að það sé í lagi að halda hvaða dag sem er hvíldardag, en Jesú hefur helgað og blessað hvíldardaginn og segist vera herra hvíldardagsins sem er Laugardagur, ekki sunnudagur mánudagur eða hver annar dagur vikunnar. Hvað hefði gerst hefði Jesú haldið sunnudaginn hátíðlegan eins og gert er í dag? Því er fljót svarað, Jesú lægi enn dáinn í gröfinni og ætti engrar upprisu von, hann og við værum eilíflega glötuð í dauðanum. Jesú hefði gerst syndari, laun syndarinnar er dauði,  dauði að eilífu, hans dauði á krossi hefði ekki opnað okkur leið inn í eilífðina sem lausnargjald fyrir okkar mörgu syndir, við værum eilíflega glötuð og ættum enga von. Megi þjóðin eiga von í Jesú Kristi og eilíft líf með honum á himnum þegar við kveðjum þennan táradal sem við lífum í.

VERÐUR DÓMKIRKJAN AÐ MOSKU???

http://www.youtube.com/watch?v=THW7jgSIXPM  Megi algóður Guð hjálpa okkur og endurkoma Jesú vera á næsta leiti.

Setning alþingis

Setning alþingis var í dag og með mjög óvenjulegum hætti. Núna í fyrsta skipti í sögu Íslenska Lýðveldisins gerðist það að þó nokkrir þingmenn hunsuðu með opinberum hætti Guðsþjónunnustuna í Dómkirkjunni sem er sá hluti þingsetningarinnar sem á að gera mönnum það ljóst að yfir öllum stjórnum er sá stjórnandi sem öllu ræður, og þingmenn,  ráðherrar, forseti, og aðrir ráðamenn þurfa að sína hollustu og auðmýkt. Þetta hlýtur að hafa verið markmiðið frá byrjun. Núna er Guðleysið að verða slíkt að þingmenn kjósa að hlíða á talsmann siðmenntar halda ræðu um siðferðileg gildi í staðinn fyrir að leita í trúna og jafnvel fannst einum þingmanninum hann hvergi eiga betur heima en í hópi fólksins sem var með háreisti og dónaskap á Austurvelli gagnvart þingsetningunni og alþingi, og lét taka viðtal við sig meðal þessara " vina sinna." Það setur að mér hálfgerðan hroll við þá tilhugsun að þessir þingmenn eiga núna ásamt öðrum góðum og miður góðum þingmönnum að leiða þjóðina úr einhverjum þeim mestu þrengingum sem riðið hefur yfir á síðari tímum. Þrengingar sem varð af manna völdum og bitnar núna á öllum almenningi sem skal borga skuldina fyrir hina fáu sem leiddu þessa ógæfu yfir þjóðina. Megi algóður Guð vera með þjóðinni sem sýnir skapara sínum lítilsvirðingu á þrengingartímum.

ER JÓLASVEININN ANTIKRISTUR JÓLANNA?

Við þurfum að skilgreina orðið antikristur, það er sá sem tekur sér stöðu Krists og fær hans tilbeiðslu. Þegar líða fer að jólum fer að bera mikið á Jóasveininum og jólatrénu. Verslunarmiðstöðvar keppast við það erlendis að hafa jólasvein á áberandi stað hampandi börnum og taka niður óskir þeirra um jólagjafir sem hann svo lofar að koma með ef börnin verða þæg og góð. Þetta er sérlega áberandi erlendis en hugsunin er sú sama hér heima. 

Jólin eru sögð fæðingarhátíð Jesú Krists frelsara mannanna og jólaljósin eiga að minna okkur á að Jesú er ljós heimsins; jóh 8:12 Nú talar Jesú aftur til þeirra og sagði:,,Ég er ljós heimsins. Sá sem fylgir mér mun ekki ganga í myrkri heldur hafa ljós lífsins." Tengjum við jólaljósin þessum orðum? 

Tengjum við Jólin við þá stærstu gjöf sem okkur hefur verð gefin en svo allt of fáir þiggja? Jóh 5:20 Því svo elskaði Guð heiminn að hann GAF son sinn eingetinn, til þess að hver sem á hann trúir glatist ekki, heldur hafi eilíft líf. Hversu margir muna eftir þessari gjöf á jólunum?

Okkur er innprentað í barnæsku að Jólasveininn komi með gjafirnar á jólunum og hann því persónugerfingur alls hins góða og göfuga er tengist jólahátíðinni.

Hugsum okkur að við séum á gangi í einhverri kringlunni um jólin og sjáum einhvern í gervi Jesú Krists sitja í sæti jólasveinsins með börn í fanginu, þeim af okkur sem Jes elskar mest. Matt 19:14. Leyfið börnunum að koma til mín, varnið þeim eigi, því slíkra er himnaríki.

Hvernig myndum við bregðast við slíkri sjón? Mörgum fyndist hún ekki eiga heima í þessu musteri Mammons.

Leiðum hugan að því hversu jólin eru komin langt frá Kristi og farin að líkjast þeirri heiðnu hátíð sem þau voru, en allt aftur til daga Babýlons og Babelsturnsins hafa verið haldin jól með jólatré, skrauti og gjöfum og á nákvæmlega sama tíma eða 25. desember sem var fæðingardagur Tammuz öðru nafni sólguðinn Bal sem við lesum um í gamla testamentinu.

Höldum þessi jól til dýrðar Jesú Krists og alveg sérstaklega núna á þessum tíma þegar traust á jarðneskan auð og öryggi hefur beðið algjört skipbrot. Munum eftir okkar minnstu bræðrum og systrum á þessum erfiðu tímum og minnumst orða Krists í Matt 25:40 Allt sem þér gerið einum minna minnstu bræðra, það hafið þið gert mér.

Gefum Guði dýrðina en ekki Jólasveininum og allt sem hann stendur fyrir. Megi þessi texti úr jólasálminum sem sunginn er á hverjum jólum eiga við heimili okkar: Hvert fátækt hreysi höll nú er því Guð er sjálfur gestur hér.

ERUM VIÐ Á LEIÐ Í BYLTINGU?

Ég verð að svara spurningum sem hafa vaknað í sambandi við fyrri skrif mín þar sem mönnum gæti fundist ég vera að vega að ákveðnum hóp manna.

Ef ég hef sært einhvern þá biðst ég fyrirgefningar. það sem ég vill segja að það er vilji minn að samkynhneigðir hafi öll þau sömu réttindi og þeir sem eru í hjónabandi eða staðfestri sambúð. Það breytir samt ekki þeirri staðreynd að samkynhneigð er synd í augum Guðs en synd er allt sem er í andstöðu við vilja þess Guðs sem skapaði okkur og vill allt það besta okkur til handa.

Allir erum við syndarar og skortum Guðs dýrð. Í augum Guðs er ekki til nein stór synd eða lítil synd, synd er alltaf synd og hinir samkynhneigðu ekki meiri syndarar en aðrir og Guð elskar þá jafn mikið og aðra hann fer ekki í manngreiningarálit. Það sem ég vildi koma að er það fráhvarf sem á sér stað frá vilja Guðs þegar við í þessum svokallaða kærleika og umburðarlindi köllum syndina einhverju öðru nafni en hún er og hefjum hana til skýana sem eitthvað eftirsóknarvert og eðlilegt, við teljum okkur vita betur en Guð og vera kærleiksríkari en hann. Hér eru nokkrar syndir sem hægt er að segja að heimurinn sé  farinn að líta á sem eðlilega hluti, stela, ljúga, svíkja svo nokkuð sé nefnt og vegna alls þessa má segja að heimurinn sé eins og hann er í dag. Satan er að telja okkur trú um, eins og alltaf að svart sé hvítt og hvítt sé svart og fá okkur til að trúa lyginni frekar en sannleikanum.

Í eðli okkar erum við grimm og getum við skoðað ástandið í Þýskalandi á tímum seinni heimstyrjaldarinnar. Það setur að mér hroll að hugsa til þess að við sem teljum okkur vera sæmilega upplýstar og siðaðar manneskjur getum orðið að grimmustu föntum við réttar aðstæður, og samt talið að við séum að gera rétt og að tilgangurinn helgi meðalið. Ég get ekki trúað því að allir þeir böðlar sem komu í ljós í seinni heimstyrjöldinni hafi verið fæddir sem slíkir. Ég freistast til að trúa því að þeir hafi verið menn og konur eins og ég og þú, og sú hugsun hryllir mig.

Eigum við eftir að sjá grimmd okkar koma betur í ljós núna á þessum tíma sem er upprunninn? Allt bendir til þess að ástandið eigi bara eftir að versna, mótmælin eftir að aukast, kreppan eftir að dýpka, grimmdin eftir að aukast.

Megi algóður Guð hjálpa okkur og við hafa vit á að leita hans. 

ERU SIÐAPOSTULAR KÆRLEIKSLAUSIR KREDDUKARLAR?

Sumir hafa verið upphrópaðir sem kærleikslausir siðapostular og kreddukarlar.

Skoðum þetta nánar, hvernig er kærleikur heimsins? Getur verið að hann sé afskiptaleysi og svokallað umburðarlindi? Ég held að við verðum að svara þessu játandi. Umburðarlyndi heimsins hefur orðið til þess að siðferðisstaðlar hafa lækkað.Nú þykir það ekki orðið neitt mál þó að unglingar fari að prófa sig áfram í kynlífi innan við fermingu, fóstureyðingar eru nánast ornar eins og eftirá getnaðarvörn, jafnvel er fólki ráðlagt að nota það úrræði ef börnin eru orðin þrjú og hið fjórða kallar á stærri bíl en staðalbíllinn sem er fyrir fimm.Kirkjan gengur fram og ákveður á kirkjuþingum nýjar reglur og skoðanir sem ganga þvert á orð Guðs og þar með eru ákvarðanir manna settar ofar vilja Guðs eins og hann kemur fram í Biblíunni.Allt er þetta gert í þessu svo kallaða umburðarlindi heimsins sem er túlkað sem kærleikur.Myndi kærleiksríkt foreldri horfa á barnið sitt leika sér að flugbeittum hníf, og segja með sjálfu sér; æ greyið hann verður að fá að skera sig til að hann læri að passa sig á hnífum;

Meira en tíundi hver Íslendingur fylgist af áhuga og hrifningu með hinni svo kölluðu gleðigöngu niður Laugarveginn á hverju ári og fer sá hópur stækkandi sem hrífst með.Núna á einhverjum erfiðustu tímum sem þessi kynslóð hefur upplifað þegar fjárhagur þjóðarinnar er komið á það stig að við erum eiginlega búinn að missa sjálfstæðið, fólk missir vinnuna, sparnað sinn hús og bíla og hjónabönd bresta þá rís upp maður úr hópi þess fólks er gengur gleðigöngur á hverju ári og  lýðurinn hillir, skipuleggur mótmæla og samstöðufundi og kemur fram sem talsmaður þjóðarinnar.

Þjóðin á ekkert betra skilið.

Þjóð mun rísa gegn þjóð og ríki gegn ríki. Matt.24:7

Þessi setning kemur mér í hug þegar ég verð vitni að því hvernig þjóðir rísa upp gegn okkur og vilja hindra eðlilega fjárhagsaðstoð okkur til handa og setja jafnvel hömlur á eðlileg gjaldeyris viðskipti þegar við sendum vörur okkar á markað erlendis. Önnur setning kemur líka upp í hugann þegar ég sé mótmæli og skrílslæti á Austurvelli og hvernig alþingishúsið er svívirt. þann stað sem á að vera okkur öllum heilagur og stendur sem minnismerki um sjálfstæði okkar sem þjóð. Á að vera stolt okkar burtséð frá því hverjir stjórna landinu og hvort okkur hugnist sú stjórn eða ekki. þessi setning er tekin úr sama kafla eða Matt.24:12 .Og vegna þess að lögleysi magnast mun kærleikur flestra kólna. Við verðum vör við mikla reiði í þjóðfélaginu og sjáum hvernig allt er að breytast. Um hverja helgi á lögreglan í auknum vandræðum með fólk sem er með óspektir. Fólk er óttaslegið yfir framtíð sinni og hlutir eins og stöðuleiki á vinnumarkaði og í fjármálakerfinu sem allir voru farnir að líta á sem sjálfsagða hluti eru ekki til staðar lengur. Það er myrkur yfir landinu, vonleysi ríkjandi, ráðmenn þjóðarinnar sem eru að reyna að gera sitt besta og koma auga á  leið úr vandanum reka sig alstaðar á hindranir og seinkanir á uppfyllingu þeirra loforða sem þeir töldu sig hafa frá ráðamönnum annarra þjóða. Núna í fyrsta skipti í sögunni þurfa háttsettir embættismenn að hafa lífverði til að gæta öryggis þeirra gagnvart þegnunum sem þeir eru að vinna fyrir . Hvað mun framtíðin bera í skauti sér? Hér er einn veruleikinn sem gæti blasað við okkur. 11 september 2001 var dagur sem breytti heiminum og ekkert hefur verið eins eftir það, núna sjö árum seina má segja, jafnvel á sama degi og mánuði hafi heimurinn allt í einu orðið enn dekkri og skelfilegri er fjármálakerfið út um allan heim byrjar að hrynja. Er þetta tilviljun? Er talan 7 sem svo oft er nefnd í Biblíunni í sambandi við spádóma og annað táknræn í þessu sambandi? Hver er stjórnandi þessa heimsins? Er Guð smásaman að draga vermd sína í burtu af heiminum vegna þess að við viljum hellst ekkert af honum vita? Mun sú stjórn sem nú situr við völd í Bandaríkjunum og sá forseti sem komst til valda með vafasömum hætti á sínum tíma og dró heiminn út í stríð með upplognum fullyrðingum,sá hinn sami og prentar 2. biljarða dollara á dag leifa Obama að setjast í forsetastólinn? Verður Obama tekinn af lífi og Bus setja á neyðarlög sem tryggir honum áframhaldandi völd sem einræðisherra er notar herinn til að brjóta niður það brjálæði sem skapast meðal blökkumanna og annarra sem sáu nýja tíma með Obama og hans stjórn? Mun krónunni verða kastað og prentaður nýr gjaldmiðill? Íslenskur dollar fyrir okkur Íslendinga, seðlar sem eru fallegir á litinn og með þjóðlegum myndum en hafa sama verðgildi og dollar í Bandaríkjunum og tilheyra því minntkerfi? Svörin við þessum spurningum geta verið já ef sá sem nefndur hefur verið höfðingi þessa heimsins mun fá að ráða, þá mun rætast það sem segir í opinberunarbókinni 12:12  Vei sé jörðunni og hafinu því djöfullinn er stiginn niður til ykkar í miklum móð því að hann veit að hann hefur nauman tíma. Höfum við gefið Satan völdin? Við þurfum að leita aftur til Biblíunnar Guðsorðs, trúa þeim fyrirheitum sem þar eru gefin okkur til heilla en ekki til óhamingju, treysta Guði fyrir framtíð okkar, leita hans í bæn, biðja hann um að fyrirgefa okkur syndir okkar,  iðrast þeirra og láta af þeim með Guðs hjálp og eignast eilífa lífið á himnum. Megi ástandið í dag ída við okkur og við leita hjálparinnar þar sem hana er að finna, hjá Guði, megi hann vera okkur syndugum líknsamur.      

DAGAR OKKAR ERU TALDIR.

Áður en við vorum mynduð í móðurlífi sá Guð lífshlaup okkar fyrir.Fæðingardag og dánardag. Þeir sem eru ungir halda, og finnst sem þeir eigi allan tímann í veröldinni framundan, en allt of oft verðum við vitni að því að ungt fólk lætur lífið, fólk sem taldi sig eiga ómæld ár framundan. Jesú mun koma aftur og þá eru bara tveir hópar manna og kvenna, hólpnir og glataðir. Við vitum ekki hversu mikinn tíma við eigum eftir til að undirbúa okkur undir komu frelsarans, þó að Jesú kæmi ekki aftur fyrr en eftir 10 ár eða 100 þá eru dagar okkar taldir og því ekki eftir neinu að bíða, kannski er dagurinn í dag síðasti dagurinn minn eða þinn. Biðjum Jesú um að fyrirgefa okkur og iðrumst synda okkar með hjálp Jesú og einnig að hann geri syndir okkar skýrar í huga okkar svo að við vitum hvar við þurfum að taka okkur á. Með hjálp Jesú er allt mögulegt og hann gefur okkur eilíft líf, við erum þá stiginn frá dómnum til lífsins. Jesú hefur borgað syndasekt okkar. Þegar Jesú kemur aftur í skýjum himins þá kemur hann með launin með sér.  þá er of seint að iðrast og harmakvein hinna glötuðu verða ólýsanleg. Ekki verða í þeim hópi. Jesú kallar á þig hann elskar þig,  þú getur ekki valdið honum vonbrigðum því hann þekkir þig. Ég vill endurspegla elsku Jesú til þin og vara þig við. Hann hefur fyrirgefið mér og gefið mér nýtt líf og fullvissuna um eilífa lífið á himnum hann vill sjá þig þar og ég vill fá að kynnast þér þar í eilífðinni sem bróðir minn eða systur. NOTUM DAGINN Í DAG HANN GÆTI VERIÐ SÍÐASTI DAGURINN ÞINN EÐA MINN. OPNAÐU HJARTA ÞITT FYRIR JESÚS NÚNA. 

ER FREKARI HÖRMUNGA AÐ VÆNTA?

Ég eins og svo margir aðrir skil ekki hvers vegna allt er farið úr böndunum í fjármálum heimsins. Eitt er þó nokkuð skírt í mínum huga, en það er hin gengdarlausa seðlaprentun Bandaríkjanna sem ég las einhverstaðar að næmi 2 billjónum á sólarhring.Hún hlýtur að setja allt á hvolf áður en langt um líður. Það þætti ekki góð hagfræði ef fólk færi að prenta peninga heima hjá sér núna á þessum síðustu og verstu, til að láta enda ná saman um mánaðarmótin? Slík prentun hefur verið kölluð peningafals og ekki vel séð af yfirvöldum, og seðlarnir einskis virði þar sem hver seðill á að vera endurgjald fyrir unna vinnu. En kannski er þetta allt í lagi, hvað veit ég, ekki er ég hagfræðimenntaður og telst til sauðsvarts almúgans og þar að auki sennilega bara meðalgreindur karlmannsbelgur, eða varla það. Kannski verður þjóðin núna þegar verulega sverfir að, móttækilegri fyrir Guðsorði og leitar sér hjálpar þar sem hjálpin bregst ekki. Þegar allt leikur í lindi að því er okkur virðist er eins og Guð og Guðsorð eigi ekki aðgang að þjóðinni. Kynni mín af Rúmeníu og því fólki sem þar býr við kröpp kjör hefur sýnt mér hve miklu opnari sú þjóð er fyrir Guði og Biblíunni en við höfum verið hérna á Íslandi. Það er ábyggilega ekki öfundsvert að vera stjórnmálamaður á þessum tíma, og bera ábyrgð á velferð þjóðarinnar. í þessum óförum öllum get ég ekki annað en verið nokkuð ánægður með hversu stjórnarandstaðan hefur fengið að koma að málum og hversu lítið skítkast stjórnin hefur fengið úr þeirri áttinni. Megi algóður Guð vera okkur náðugur og nálægur á þessum erfiðu tímum og gefa okkur vísdóm til að taka réttar ákvarðanir, stjórn og stjórnarandstöðu ráð út úr vandanum. Megum við sjá handleiðslu Guðs og þakka fyrir hans  gjafir eins og þessa miklu síld sem hann hefur rekið inn á Breiðafjörðinn.