Höfum við farið á mis við eitthvað?

Gærdagurinn var bjartur og fagur þó að hitinn mætti vera meiri eða um ein gráða þannig að kuldinn sagði til sín þegar gengið var inn í skóginn úr sólskininu. Ekki hafði ég gengið lengi þegar heyrðist í hestvagni sem kom skröltandi. Fylgdarmaður minn Gabríel kallaði á ekilinn og fékk hann til að stoppa og leifa mér að prófa að sitja í ellkilssætinu sem var búinn að vera draumur minn jafnvel áður en ég kom hingað til Transilvaníu. Við gengum svo áfram og komum á stað þar sem fjárhirðar voru með féð sitt á beit ásamt nokkrum hundum sem komu geltandi og gjammandi á móti okkur, en þegar þeir fundu að við voru ekki hættulegir og hundurinn sem var með okkur, lögðust þeir niður í grasið og fengu sér lúr. Yfir sviðinu var einhver undarleg ró og friður, kindurnar rólegar á beit og smalarnir sitjandi samann, spjallandi og virða fyrir sér hagann baðaðan í sólskini, hugurinn flaug sem snöggvast aftur til Betleimsvalla svo óralöngu síðan.

Athugasemdir

[Guðný Lilja (IP-tala skráð) 13.2.2008 kl. 19:34]

Hæ hæ ,

Það er alltaf jafn gaman að lesa bloggið þitt, maður bara hálf övundar þig á öllu sem þú færð að upplifa og sjá... 

Jæja gangi þér nú bara vel og guð veri með þér

kv. Guðný Lilja og Cesar