Haldið út á akurinn

Fyrir viku síðan fórum við nemendur skólans og gengum í hús boðandi trúna. Okkur var misjafnlega tekið en samt voru nokkrir sem þáðu Biblíufræðslu og núna í dag sem er páskadagur heima eru um 20 einstaklingar sem fá fræðslu. Hérna er ýmislegt öðruvísi en heima. Páskarnir til dæmis ekki fyrr en í næsta mánuði, enda flest allir í Réttrúnaðarkirkjunni. Við hliðina á skólanum er sjúkrahús og ekki óalgengt að sjá sjúklinga á labbi í röndóttum náttfötum og flókainniskóm á leiðinni á pöbbinn að fá sér einn kaldann fyrir stofugang á morgnana. Sjúkrahúsin eru sagðar hinar verstu dauðagildrur hérna í Rúmeníu, þarf að múta læknum og hjúkrunarfólki til að sinna sjúklingum og því margir efnalitlir sem deyja drottni sínum án aðhlynningar. Vonandi verður ástandið aldrei þannig heima.

Athugasemdir

[Halldór (IP-tala skráð) 30.3.2008 kl. 18:56]

Sæll Jóhann.

Bara að kasta á þig kveðju. Vonandi hefuru það gott þarna úti við endimörk veraldar:D

Kv, Halldór Benjamín